काठमाडौं । राप्रपा नेपालका अध्यक्ष कमल थापाले आज संसदमा प्रस्तुत गरिएको सरकारको नीति तथा कार्यक्रम ‘कपी–पेष्ट’ गरी शब्द र सन्दर्भ तलमाथि पारिएको टिप्पणी गरेका छन् ।

शुक्रबार सामाजिक सञ्जाल ट्वीटरमार्फत उनले सरकारको नीति तथा कार्यक्रममाथि यस्तो टिप्पणी गरेका हुन् । उनले नीति तथा कार्यक्रम कार्यान्वयन हुनै नसक्ने कार्यक्रमको पुलिन्दा भएको बताए ।

अनावश्यक ढंगको लामो र पट्यारलाग्दो भएको उनले प्रतिक्रिया दिए । उनले संकटग्रस्त अर्थतन्त्र सुधारबारे कुनै ठोस नीति नभएको भन्दै सनातन धर्म संस्कृति संरक्षणमा प्रतिवद्धताको सर्बथा अभाव भएको बताए ।

रोजगारी सिर्जनामा ओठे प्रतिवद्धता मात्र भएको कुनै भरपर्दो नीति कार्यक्रम नदेखिएको भन्दै उनले विद्युतीय सवारीसाधनलाई प्रोत्साहित गर्ने नीतिलाई भने सकारात्मक रुपमा लिनुपर्ने बताए ।

सरकारको नीति तथा कार्यक्रमः
-पट्यारलाग्दो र अनावश्यकढंगबाट लामो
-अधिकांश पुरानै नीति र कार्यक्रमको कपिपेष्ट(शब्द र सन्दर्भ तलमाथी पारिएको)
-कार्यान्वन हुनै नसक्ने कार्यक्रमको पुलिन्दा
-संकटग्रस्त अर्थतन्त्र सुधार वारे ठोस नीति छैन
-सनातन धर्म संस्कृति संरक्षणमा प्रतिवद्धताको अभाव

— Kamal Thapa (@KTnepal) May 19, 2023