काठमाडौं । नेकपा (एकीकृत समाजवादी)ले आज विरोध प्रदर्शन गर्ने भएको छ ।
नक्कली भुटानी शरणार्थी प्रकरणमा निष्पक्ष छानबिनको माग गर्दै एकीकृत समाजवादीले प्रदर्शन गर्न लागेको हो ।
विरोध प्रदर्शन दिउँसो ३ बजे माइतिघर मण्डलामा हुने पार्टीका उपमहासचिव तथा प्रचार विभाग प्रमुख जगन्नाथ खतिवडाले जानकारी दिए ।
हिजो मात्र सो पार्टीले उपप्रधान तथा गृहमन्त्री नारायणकाजी श्रेष्ठलाई सो प्रकरणको छानबिन गर्नुपर्ने माग राख्दै ज्ञापन पत्र बुझाएको थियो ।