काठमाडौं । नेपाली क्रिकेटर सन्दीप लामिछानेको शल्यक्रिया सफल भएको छ ।

अहिलेको खाली समयको सदुपयोग गरी लामिछानेले शरीरमा रहेका ६ वटा लाईपोमाहरूको आज सर्जरी गरेका हुन् ।

उनको सर्जरी नेपाल नेशनल अस्पतालमा गरिएको बताइएको छ । लामिछानेले सामाजिक सञ्जाल ट्विटरमा जानकारी दिँदै लामो समयपछि शल्यक्रिया सफल भएको र छिट्टै खेलमा फर्किने जानकारी दिए ।

उनले शल्यक्रियामा संलग्न चिकित्सकलाई धन्यवाद पनि दिएका छन् । पूर्वकप्तानसमेत रहेका लामिछानेले आइसीसी क्रिकेट लिग २ र एसीसी प्रमियर कपमा उत्कृष्ट प्रदर्शन गरेका थिए।

The surgery was successful after a long wait. Thank you everyone for the wishes. Hope to get back to the field very soon!? pic.twitter.com/3ECU2L9XYj

— Sandeep Lamichhane (@Sandeep25) May 8, 2023