काठमाडौं । नेपाली बजारमा सुनको मूल्य स्थिर रहेको छ ।

सुनचाँदी व्यवसायी महासंघका अनुसार सोमबार छापावाल सुनको मूल्य स्थिर रहेर एक लाख १० हजार रुपैयाँमा कारोबार भईरहेको छ ।

आइतबार पनि छापावाल सुन तोलाको यही मूल्यमा कारोबार भएको थियो ।

त्यस्तै, तेजाबी सुनको मूल्य पनि तोलाको एक लाख नौ हजार ५०० रुपैयाँमै कारोबार भइरहेको छ ।

यता, चाँदीको मूल्य समेत स्थिर रहँदै तोलाको एक हजार ४५० रुपैयाँमा कारोबार भइरहेको महासंघले जनाएको छ ।