Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार, जेठ २४ गते २०८३
Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
![रामेछाप बोलेरो दुर्घटना : मृतकको संख्या पाँच पुग्यो, सबैको सनाखत [अपडेट]](https://media.sobizcdn.com/onlinenepal.com/media-file/images/2020/11/15706020971554963163accident-768x541-1.jpg)
मन्थली । रामेछापको मन्थली नगरपालिका–७ को कौछिनीमा भएको जिप दुर्घटनामा परी पाँचजनाको मृत्यु भएको छ ।
जिल्ला प्रहरी कार्यालय रामेछापका अनुसार कौछिनीतर्फ जाँदै गरेको वा ११ च ५५३ नम्बरको बलेरो सडकबाट करिब एक सय मिटर तल खस्दा मन्थली–७ की ८२ वर्षीया नन्दमाया भण्डारी, सोही वडाकी ५५ वर्षकी ज्ञानदानी तामाङ, ६८ वर्षका जेनसुन तामाङ र सुनापति गाउँपालिका–१ गुन्सीकी आठ वर्षीया लाक्पा घिसिङको घटनास्थलमै मृत्यु भएको हो ।
गम्भीर घाइते भएका मन्थली नगरपालिका–७ कौछिनीका ५० वर्षीय जिप चालक दलबहादुर आलेमगरको पनि निधन भएको छ । बाँकी ११ जना घाइतेमध्ये गम्भीर घाइते तीनजनालाई थप उपचारका लागि काठमाडौं लगिएको प्रहरीले जनाएको छ ।
दैनिकरूपमा कौछिनीबाट मन्थलीसम्म चल्दै आएको जिप आज अपराह्न १६ यात्रु र समान लिएर रामेछापको मन्थली नगरपालिका–७ स्थित कौछिनीतर्फ जाँदै गर्दा ब्रेक फेल भई दुर्घटना भएको जनाइएको छ ।
घुम्तीमा मोड्ने क्रममा ब्रेक नलागेपछि बलेरो कौछिनीको मगरगाँउ नजिकको सडकबाट करिब एक सय मिटर तल खसेको प्रहरीको प्रारम्भिक अनुमान छ । रासस
© 2026 All right reserved to onlinenepal.com
Design & Developed By
