काठमाडौं । त्रिवि शिक्षण अस्पताल महाराजगञ्जमा उपचाररत राष्ट्रपति रामचन्द्र पौडेलको स्वास्थ्यमा सुधार आएको छ।

अस्पतालका प्रशासन प्रमुख बैकुण्ठप्रसाद थपलियाले विज्ञप्ति जारी प्रेस गर्दै राष्ट्रपति पौडेलको स्वास्थ्यमा सुधार आएको बताएका हुन् ।

पेट दुख्नेलगायत समस्या देखिएपछि राष्ट्रपति पौडेललाई शनिबार साँझ त्रिवि शिक्षण अस्पताल भर्ना गरिएको थियो।

राष्ट्रपति पौडेललाई चिकित्सकहरूको निगरानीमा राखिएको छ। पौडेललाई आजै डिस्चार्ज गर्ने तयारी छ।