काठमाडौं । राष्ट्रिय स्वतन्त्र पार्टी (रास्वपा) ले उपनिर्वाचनका लागि उम्मेदवारको टुंगो लगाएको छ । आगामी वैशाख १० गते तीनवटा निर्वाचन क्षेत्रमा हुने उपनिर्वाचनका लागि रास्वपाले उम्मेदवारको टुंगो लगाएको हो ।

जसअनुसार चितवन–२ मा पार्टी सभापति रवि लामिछाने, बारा–२ मा पूर्व डीआईजी रमेश खरेल र तनहुँ–१ मा अर्थशास्त्री स्वर्णिम वाग्ले उम्मेदवार पक्का भएका हुन् ।

शुक्रबार उम्मेदवार छनोटका लागि भएको आन्तरिक प्रतिस्पर्धामा अन्य उम्मेदवारले खरेल र वाग्लेलाई छनोट भएको रास्वपाले जनाएको छ ।

चितवन–२ का लागि भने लामिछानेको एकल नाम थियो । अर्थशास्त्री वाग्लेले बिहीबारमात्र नेपाली कांग्रेसबाट राजीनामा दिएका थिए ।