काठमाडौं । सरकारले रासायनिक मलमा ११.७८ प्रतिशतले अनुदान कटौती गरेको छ ।

रासायनिक मलको अन्तर्राष्ट्रिय मूल्य बढ्दै गएको तथा अमेरिकी डलरको तुलनामा नेपाली मुद्राको विनियमदरमा कमी आएकोले मलमा दिँदै आएको अनुदान घटाएको कृषि तथा पशुपन्छी विकास मन्त्रालयको जनाएको हो ।

कृषकले ७०.८२ प्रतिशत अनुदान पाउँदै आएकामा अबदेखि ५९.०४ प्रतिशत मात्र अनुदान पाउनेछन् ।

योसँगै अब युरियाको मूल्य १४ बाट बढाएर २५ रुपैयाँ पुर्याइएको छ । डिएपीको ४३ बाट ५० र पोटास ३१ बाट ४० रुपैयाँ पुर्याइएको छ ।

देशभर मलको चर्को अभाव भइरहेको बेला सरकारले मूल्य बढाएको हो ।