काठमाडौं । नेकपा एमालेका नेता गोकुल बास्कोटाले माओवादी केन्द्रका अध्यक्ष पुष्पकमल दाहाल ‘प्रचण्ड’लाई भन्दा कांग्रेसका सभापति शेरबहादुर देउवा तुलनात्मकरूपमा जनमत रहेको भन्दै देउवा सत्य र प्रचण्ड भ्रम भएको बताएका छन् ।

शुक्रबार राति ट्वीट गर्दै बास्कोटाले सो कुरा बताएका हुन् । साथै उनले नेपाली कांग्रेसका महामन्त्री गगन थापालाई ‘रामलाई पुज्न, खराउ नपुज्न’ सुझाव दिए ।

थापाले यसअघि दिएको अभिव्यक्तिप्रति लक्ष्य गरी बास्कोटाले भनेका छन्, ‘गगनले भन्याथे–कांग्रेसलाई आफ्नै खुट्टामा उभिने बनाउन मेरो महामन्त्रीमा उम्मेदवारी । तर आज उनी प्रचण्डको पाउमा तेल घस्दैछन् ।’

‘गगनले भन्याथे’कांग्रेसलाई आफ्नै खुट्टामा उभिने बनाउन मेरो महामन्त्रीमा उमेदवारी । तर आज उनी प्रचण्डको पाउमा तेल घस्दैछन । रामचन्द्र हराऊ,सुवास जिताऊ । प्रचण्ड होईन,देउवालाई तुलनात्मक जनमत प्राप्त छ । चकचकेको कचकच बन्द हुनै पर्छ । राम पुज्ने हो, खराऊ पुज्नु भ्रम,देउवा सत्य प्रचण्ड भ्रम,’ उनले ट्वीटरमा उल्लेख गरेका छन् ।

बास्कोटाले राष्ट्रपतिमा रामचन्द्र पौडेललाई हराएर सुवासचन्द्र नेम्वाङलाई जिताउनसमेत अपिल गरेका छन्।