काठमाडौं । नेकपा एमाले सांसद तथा प्रतिनिधिसभा सदस्य गोकुल बास्कोटाले अब सरकारमा बामपन्थी सहकार्य समाप्त भएको टिप्पणी गरेका छन् ।

प्रधानमन्त्री पुष्पकमल दाहाल प्रचण्डले कांग्रेससँग सहमति गरेसँगै शुक्रबार राति सामाजिक सञ्जालमार्फत उनले यस्तो टिप्पणी गरेका हुन् ।

उनले अब एमाले आफ्नै लयमा अघि बढ्नुपर्ने बताए । बाँस्कोटाले सामाजिक सञ्जालमा लेखेका छन् ‘उहिल्यै भन्देको हो–छेपारो र प्रचण्डबीच रंग फेर प्रतियोगीता भए पनि छेपारो नै हार्छ । उग्रपन्थीको अन्तिम बिसौनी दक्षिणपन्थी अवसरवाद नै हुन्छ। अब सरकारमा कथित बामपन्थी सहकार्य समाप्त भयो । एमाले आफ्नै लयमा अघि बढ्नु पर्छ।’

उत्साह र आशा दुबै नभएकाले एमाले निराश हुनु पर्ने कारण नरहेको उनको भनाई छ ।