कपिलवस्तु । पत्नीसँग आपत्तिजनक अवस्थामा देखेपछि कपिलवस्तुमा एक युवकले आफ्नै बाबुको हत्या गरेका छन् ।

शिवराज नगरपालिका १० शीतलापुरका ३० वर्षिय मग्निराम पासीले आफ्नै बाबु ६४ वर्षीय मगरे पासीको हत्या गरेका हुन् । बुधबार बिहान मगरे आफ्नै घरमा झुन्डिएको अवस्थामा मृत फेला परेका थिए ।

घटना शंकास्पद देखेपछि प्रहरीले अनुसन्धान सुरु गरेको थियो । यस क्रममा मग्निरामले आफूले नै बाबुको हत्या गरेको स्वीकार गरेको वडा प्रहरी कार्यालय चन्द्रौटाले जनाएको छ ।

मंगलबार बिहान ११ बजेतिर श्रीमती र बुवालाई नग्न अवस्थामा देखेपछि आफूले बुवाको हत्या गरेको मग्निरामले प्रहरी समक्ष बयान दिएका छन् ।

हत्यापछि आत्महत्या भनी देखाउन शवलाई डोरीमा बाँधेर झुन्ड्याएको खुलेको छ । घटनाबारे प्रहरीले थप अनुसन्धान गरिरहेको छ ।