काठमाडौं । नेपाली राष्ट्रिय क्रिकेट टोलीका खेलाडी सन्दीप लामिछानेले आफूले कति योगदान गरे भन्ने थहाँ नभएपनि देशले क्रिकेट जितेकामा खुसि भएको बताएका छन् ।

सन्दीपले सामाजिक सञ्जालमा लेख्दै देशले क्रिकेट जितेकामा खुसि भएको बताएका हुन् । नेपाली राष्ट्रिय टिमका पूर्वकप्तान समेत रहेका लामिछानेले ६ महिनापछि घरेलु मैदानमा भएको त्रिकोणात्मक श्रृंखलाबाट क्रिकेटमा कमब्याक गरेका थिए ।

सन्दीपले सामाजिक सञ्जालमा लेखेका छन्, ‘मैले कति योगदान गर्न सके थाहा छैन तर मेरो देशले क्रिकेट जितेको छ । यो साथ यो मायाको लागि सम्पूर्णमा हृदयदेखि आभारी छु ।’

सन्दीपले सिरिजको चार खेलमा १३ विकेट लिएका थिए । पहिले, दोस्रो र तेस्रो खेलमा तीन–तीन विकेट लिएका सन्दीपले अन्तिम खेलमा ४ विकेट लिएका थिए । सन्दीपको उत्कृष्ट प्रदर्शनले पनि नेपाललाई सिरिज जिताउन महत्वपूर्ण भूमिका खेल्यो ।