काठमाडौं । नेपाली बलर सन्दीप लामिछानेसँग हात नमिलाएको प्रकरणमा स्कटल्यान्डका क्रिकेट प्रशिक्षक शेन बर्गरलेस्कले मुख खोलेका छन् ।

पहिलो खेलमा हात नमिलाएपछि यसबारेमा कुराकानी नगर्ने बताएको स्कटल्यान्ड टोलीले शृंखलाका खेल सकिएपछि भने मुख खोलेको हो ।

काठमाडौंमा मंगलबार सम्पन्न भएको नेपाल, नामिबिया र स्कटल्यान्ड सम्मेलित त्रिकोणत्मक शृंखलामा स्कटल्यान्डका खेलाडीहरुले नाबालिग बलात्कारको आरोप लागेका सन्दीपसँग हात मिलाएका थिएनन् ।

यसबारे त्रिवि क्रिकेट मैदान कीर्तिपुरमा नेपालसँगको खेलपछि पत्रकारसँग कुरा गर्दै बर्गरले नेपाली पक्षलाई पूर्व जानकारी गराएरै बलर सन्दीप लामिछानेसँग हात नमिलाएको स्पष्ट पारे ।

उनले आफूहरुले कुनै पनि हिंसालाई समर्थन नगर्ने बताए । सोसाइटीमा रोल मोडल भइसकेको व्यक्तिले आफूले के गर्ने भनेर विचार गर्नुपर्ने उनको भनाई छ ।