काठमाडौं । पाकिस्तानका विकेटकिपर ब्याटर मोहम्मद रिजवान नेपाली क्रिकेटर सन्दीप लामिछानेलाई भेट्न नेपाल आइपुगेका छन्।

आइतबार बेलुकी नेपाल आइपुगेका रिजवानले आज सन्दीपसहित राष्ट्रिय क्रिकेट टिमका खेलाडीलाई भेटेका हुन् ।

आइतबार नै बेलुकी रिजवानले नेपाल क्रिकेट संघका अध्यक्ष चतुरबहादुर चन्दलाई भेट्दै नेपाली क्रिकेटका बारेमा छलफल गरेका थिए ।

टीम म्यानेजर तलाह मोहम्मदलाई लिएर रिजावान आइतबार नेपाल आएका हुन् । सन्दीपलाई भेटेपश्चात उनीहरू आज १२ बजे स्वदेश फर्किँदैछन् ।

रिजवानले सन्दीपलाई आफूलाई मानसिकरूपमा बलियो बनाउन सल्लाह दिएका थिए । बलात्कार आरोप लागेका सन्दीप अहिले नामिबिया र स्कटल्याण्डसँगको सिरिजका लागि बन्द प्रशिक्षणमा छन्।

टी-२० ब्याट्सम्यानको विश्व वरीयतामा दोस्रो नम्बरमा रहेका रिजवानले यसअघि आइतबार आफ्ना शुभचिन्तकलाई भेटेका थिए।