काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ ।

नेप्से परिसूचकमा १४.६८ अंकले ओरालो लागेर २१६८.५३ विन्दुमा आएर रोकिएको छ ।

यस्तै, आज ८२ लाख कित्ता सेयर किनबेच हुँदा तीन अर्ब बराबरको कारोबार भएको छ । सबैभन्दा बढी कारोबार गर्ने कम्पनीमा आज आइएमई जनरल इन्स्योरेन्स रहेको छ । कम्पनीले आज ९ करोड ९९ लाख कारोबार गरेको छ ।

आज आईएमई जनरल इन्स्योरेन्सको सर्वाधिक सेयर किनबेच भएको छ। नेप्सेका अनुसार कम्पनीको ९ करोड ९९ लाखको सेयर खरिदबिक्री भएको हो।

त्यस्तै हिमालय ऊर्जा विकास, एनआईसी एसिया बैंक, आँखु खोला जलविद्युत्, नेपाल लाइफ इन्स्योरेन्सको पनि धेरै कारोबार भएको छ।