काठमाडौं । राष्ट्रिय स्वतन्त्र पार्टीकी सांसद सुमना श्रेष्ठले संसदमा महिला नेतृलाई चेली भनेर सम्बोधन नगर्न अनुरोध गरेकी छन्।

शनिबार प्रतिनिधिसभाको बैठकमा बोल्दै श्रेष्ठले यस्तो बताएकी हुन् ।

उनले प्रश्न गरिन्, ‘यो सदनमा धेरै चोटी सुनियो चेली । महिला नेतृहरुलाई चेली भनेपछि पुरुषहरुलाई के चेला भन्छौं ?’

आफूले पुरुषहरुलाई चेला भनेर सम्बोधन गरेको आफूले नसुनेको भन्दै उनले महिलाहरुलाई पनि चेली नभन्न आग्रह गरिन् ।

यदि आत्मीयता नै छ भने ३३ प्रतिशत न्यूनतम हो ५० प्रतिशत महिला यो सदनमा पठाइयोस् भन्दै उनले अनुरोध गरिन्।

उपसभामुख चयनका लागि प्रतिनिधिसभा बैठक जारी छ। बैठकमा सांसदहरूले छलफलमा भाग लिइरहेका छन्।