काठमाडौं । नेकपा (एकीकृत समाजवादी) का अध्यक्ष माधव नेपाल र कांग्रेसका नेता अर्जुननरसिंह केसीबीच भेटवार्ता भएको छ ।

आज नेपाल निवास कोटेश्वरमा उनीहरुबीच भेटवार्ता भएको हो । भेटमा निर्वाचनको समीक्षा गरिएको केसीको सचिवालयले जनाएको छ ।

उनीहरूबीच करिब ४५ मिनेट कुराकानी भएको छ । भेटमा राष्ट्रिय राजनीतिबारे पनि महत्त्वपूर्ण कुराकानी भएको बताइएको छ ।

केसी मंसिर ४ को निर्वाचनबाट नुवाकोट–२ बाट निर्वाचित सांसद हुन् । गत आइतबार एमाले अध्यक्ष केपी ओलीसँग भेटवार्ता गरेका केसीले हिजो माओवादी केन्द्रका अध्यक्ष पुष्पकमल दाहाल ‘प्रचण्ड’सँग पनि भेट गरेका थिए ।