काठमाडौं । निजी दूरसञ्चार सेवा प्रदायक एनसेलको नेटवर्क अवरुद्ध बनेको छ ।

बिहान करिब १०:२५ बजेदेखि अवरुद्ध हुन पुगेको एनसेलको नेटवर्क हालसम्म खुल्न सकेको छैन ।

जसका कारण हजारौं एनसेल मोबाइल तथा इन्टरनेट सेवा प्रयोगकर्ताहरू प्रभावित हुन पुगेका छन् ।

सिस्टममा समस्या आउँदा नेटवर्क केही समय डाउन हुन पुगेको एनसेल कम्पनीले जनाएको छ । यद्यपि, जतिसक्दो छिटो नेटवर्क चालु गर्न प्राविधिक टोली लागिरहेको कम्पनीले जनाएको छ ।