काठमाडौं । अमेरिकामा रहेका सञ्चारकर्मी प्रेम बानियाँले राष्ट्रिय स्वतन्त्र पार्टीका सभापति रवि लामिछानेलाई विगतको ह्यांगओभरबाट बाहिर आउन सुझाव दिएका छन् ।

शुक्रबार राति सामाजिक सञ्जालमार्फत सभापति लामिछानेलाई अब अलि ‘सिरियस’ हुनेबेला आएको बताएका हुन् । सिंगो युवा पुस्ताको उदय र बिलयसँग तपाईं जोडिनु भएको छ,’ उनले लेखेका छन्,’त्यसैले ‘प्लिज’ हिजोको ह्यांगओभरबाट बाहिर आउनुस् ।’

उनले अब रवि देशको विशेष ‘कन्टेन्ट’ भएको बताए । ‘अब तपाईं स्वयम् देशको विशेष ‘कन्टेन्ट’ हो । अब पनि ‘स्टन्ट’ र ‘स्कुप’ खोज्न थाल्नुभयो भने धेरै कुरा बिग्रिन्छ,’ उनले उल्लेख गरे ।

यस्तै जुगेडी खोलाको पानी रामनगर पुर्याउन अस्ति भर्खर चुनाव जितेको तपाईंको के योगदान छ त्यो त आफूलाई थाहा नभएको उनले बताए । तर यस्ता विषयहरूमा तपाईंले भन्दा पनि अरूहरूले पोष्ट गरिदिएको भए राम्रो हुने उनको सुझाव छ ।

यसैगरी उनले रविलाई धेरै तिर ‘जस’ खोज्नुपनि राम्रो नहुने सुझाव दिए । उनले भने, ‘मानक बन्नुस न कि मानोपाथि ! किन यस्तो हल्लाखल्लामै हो के तपाईं ? डोजर नहसाउनुस् यसरि अब क्रमश सुझावहरू पाउनुहुनेछ ।’

सभापति लामिछाने चितवन क्षेत्र नम्बर २ बाट प्रतिनिधिसभाको चुनाव जितेपछि आफूले गरेका कामहरु समाजिक सञ्जालमार्फत सार्वजकि गर्दै आएका छन् ।

शनिबार उनले रामनगरका स्थानीय बासिन्दाको अग्रसरताले जुगेडि खोलाको पानी अब छिट्टै रामनगर पुग्ने भन्दै स्ट्याटस लेखेका थिए । उनले आज पाईप बिच्छाउने स्थानको ७ किलोमिटरको दुरि मध्य करिब २.५ किलोमिटरमा झाडि फाड्ने र खाडल खन्ने काम थालनी भएको जानकारी गराएका छन् ।