काठमाडौं । राप्रपा नेपालका अध्यक्ष तथा मकवानपुर-१ का प्रतिनिधिसभा उम्मेदवार कमल थापाले एमाले अध्यक्ष केपी शर्मा ओली नेतृत्वको सरकार देशको हितमा हुने दाबी गरेका छन् ।

सोमबार बिहान सामाजिक संजाल ट्वीटरमार्फत उनले यस्तो दाबी गरेका हुन् । थापाले विदेशीले कब्जा गरेको लिम्पियाधुरालाई समेटेर नेपालको नक्सा पनि ओलीले बनाएको भन्दै प्रशंसा गरे ।

साथै नाकाबन्दीको बेला डटेर लड्ने नेता पनि ओली नै भएको उनको भनाई छ ।

‘कसैलाई तितो लाग्ला तर, भारतले नाकावन्दी गर्दा त्यसको विरोधमा बोल्न डराउने नेताहरु भन्दा त्यसको विरुद्ध डटेर लडने, विदेशीले कव्जागरेको लिम्पियाधुरा विर्सने नेताहरु भन्दा चुच्चे नक्सा बनाउने र विदेशीको प्रेरणामा बनेको गठबन्धन भन्दा ओली नेतृत्वको सरकार देशको हितमा हुन्छ,’ उनले ट्वीटरमा उल्लेख गरेका छन् ।

कसैलाई तितो लाग्ला तर,
भारतले नाकावन्दी गर्दा त्यसको विरोधमा बोल्न डराउने नेताहरु भन्दा त्यसको विरुद्ध डटेर लडने,
विदेशीले कव्जागरेको लिम्पियाधुरा विर्सने नेताहरु भन्दा चुच्चे नक्सा बनाउने @kpsharmaoli र
विदेशीको प्रेरणामा बनेको गठवन्धन भन्दा ओली नेतृत्वको सरकार देशको हितमा हुन्छ

— Kamal Thapa (@KTnepal) November 14, 2022