अर्घाखाची । अर्घाखाँचीमा निर्वाचन आचारसंहिता विपरीत बाड्न थालिएको पाँच रोल पाइप बरामद भएको छ ।

छत्रदेव गाउँपालिका-६, ठूलापोखरामा मतदातालाई बाड्न लागिएको पाइप प्रहरीले बरामद गरेको हो ।

मतदातालाई प्रभावित पार्ने उद्देश्यले पाइप बाँड्न थालेको थाहा पाएपछि प्रहरी त्यसतर्फ गएको थियो ।

बरामद गरिएको पाइप मुख्य निर्वाचन अधिकृतको कार्यालयमा राखिएको प्रमुख जिल्ला अधिकारी शशीधर घिमिरेले जानकारी दिए ।