कपिलवस्तु । कपिलवस्तुमा सशस्त्र प्रहरी सवार ट्रक दुर्घटना भएको छ ।

जिल्लाको बाणगंगा नगरपालिका ३ सिउटीमा शुक्रबार साँझ भएको सशस्त्र प्रहरीको ट्रक दुर्घटनामा साइकलमा सवार एक यात्रु र एकजना सशस्त्र प्रहरीको मृत्यु भएको हो ।

मृत्यु हुनेमा सवारी चालक सशस्त्र प्रहरी रमेश चौधरी र साइकलमा सवार स्थानीय अमर तङनामी रहेको प्रहरीले जनाएको छ ।

चारनम्बरबाट तौलिहवातर्फ जाँदै गरेको सशस्त्र प्रहरीको ट्रक अनियन्त्रित हुँदा साइकलमा सवार यात्रीलाई ठक्कर दिँदै दुर्घटनामा परेको बताइएको छ ।

दुर्घटनाबाट सातजना घाइते भएका छन् । तीनजनाको अवस्था गम्भीर रहेकाले थप उपचारका लागि बुटवल पठाइएको छ । थप ४ जनाको सामुदायिक अस्पताल चारनम्बरमा उपचार भइरहेको जिल्ला प्रहरी कार्यालय कपिलवस्तुले जनाएको छ ।