एजेन्सी । धनी राष्ट्रहरूको समूह जी-७ का नेताहरूले युक्रेनलाई सहयोग जारी राख्ने आश्वासन दिएका छन् ।

सोमबार युक्रेनमाथि भएको रुसी क्षेप्यास्त्र हमलालाई मध्यनजर गर्दै उनीहरूले ‘जतिञ्जेल लाग्छ त्यतिञ्जेल’ सहयोग गर्ने बताएका हुन् ।

मंगलबार आकस्मिक भर्चुअल कुराकानी गर्दै जी सेभेन नेताहरूले युक्रेनलाई सैन्य र मानवीय सहायता जारी राख्ने बताए ।नेटोले पनि आवश्यक भएसम्म युक्रेनको साथमा रहने बताएको छ ।

यसैबीच, युक्रेनी राष्ट्रपति भोलोदिमिर जेलेन्स्कीले जी-७ नेताहरूलाई रुसलाई रोक्न पर्याप्त हवाई रक्षा सामर्थ्य उपलब्ध गराउन आग्रह गरेका छन् ।