दाङ । सल्यानको कपुरकोटमा जीप दुर्घटना हुँदा ८ जनाको मृत्यु भएको छ ।

रा १ ज ५६३ नम्बरको जीप राप्ती राजमार्ग अन्तर्गत कपुरकोट गाउँपालिका-३ मुलपानीमा दुर्घटना हुँदा ८ जनाको मृत्यु भएको हो ।

जिल्ला प्रहरी कार्यालय सल्यानका अनुसार एक जना गम्भीर घाइते भएका छन् । मतृकमध्ये एक महिला र सात पुरूष रहेको बताइएको छ ।

हालसम्म मृतक कसैको पनि पहिचान खुली सकेको छैन। नेपालगञ्जबाट कपुरकोट–६ जलवाङका लागि हिँडेको जिप बिहान करिब २ बजेतिर दुर्घटनामा परेको हो ।

दुर्घटनाको विस्तृत विवरण आउन बाँकी रहेको प्रहरीले जनाएको छ। बाँकेको ढकेरीबाट बिहेबाट फर्कँदै गरेका व्यक्तिहरु दुर्घटनामा परेको बुझिएको छ। घटनास्थलमा प्रहरीसहित जनप्रतिनिधि, स्वास्थ्यकर्मी, स्थानीयवासिन्दा उद्धारमा खटिएका छन्।