काठमाडौं । काठमाडौंको गोंगबु बसपार्क क्षेत्रबाट गैंडाको खागसहित प्रहरीले दुई जनालाई पक्राउ गरेको छ ।

प्रहरी वृत्त महाराजगञ्जबाट खटिएको टोलीले खागसहित आइतबार बिहान ११ बजे दुई जनालाई पक्राउ गरेको हो।

टोखा नगरपालिका–९ बसपार्कस्थित न्यू रुकुमेली गेष्ट हाउसबाट उनीहरुलाई पक्राउ गरिएको हो।

जिल्ला प्रहरी परिसर काठमाडौंका अनुसार पक्राउ पर्नेहरुमा एक जना महिला र एक जना पुरुष छन्।