चितवन । चितवन प्रहरीले भारतीय नम्बर प्लेटको ट्रकबाट ठूलो परिमाणमा लागूऔषध गाँजा बरामद गरेको छ ।

चितवनको ईलाका प्रहरी कार्यालय भन्डाराबाट खटिएको प्रहरी टोलीले भारतीय नम्बर प्लेटको ट्रकबाट ३ सय केजी गाँजा बरामद हो ।

चेक जाँच गर्ने क्रममा पूर्वबाट पश्चिम तर्फ गई रहेको युपी ७८ बीटी ८७७० भारतीय नम्बर प्लेटको ट्रकबाट उक्त परिमाणको गाँजा बरामद भएको हो ।

डिब्बा ट्रकमा अबैध गाँजा भेटिएपछि चालक ट्रक छाडेर फरार भएका छन् । ट्रक र गाँजा बरामद गरी ईलाका प्रहरी कार्यालय भण्डाराको नियन्त्रणमा रहेको जिल्ला प्रहरी कार्यालय चितवनले जनाएको छ ।