Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । अख्तियार दुरुपयोग अनुसन्धान आयोगले ६ लाख रुपैयाँ घुससहित पक्राउ परेका संस्कृति, पर्यटन तथा नागरिक उड्डयन मन्त्रालयका उपसचिव प्रमोद नेपालविरुद्ध भ्रष्टाचारको मुद्दा दर्ता गरेको छ ।
आइतवार विशेष अदालतमा उनीविरुद्ध मुद्दा दर्ता गरिएको हो । प्याराग्लाइडिङ सञ्चालन गर्ने अनुमति दिने प्रयोजनका लागि सेवाग्राहीसँग ६ लाख रुपैयाँ घुस लिइसकेको अवस्थामा अख्तियारको टोलीले उनलाई पक्राउ गरेको थियो ।
[insert page='150330' display='yopanipadhnuhos.php']
अख्तियारको टोलीले उनको कारको खानतलासी गर्दा थप १६ लाख ५० हजार रुपैयाँ बरामद गरेको थियो । नेपालले बीबी एयरवेज प्रालिको इजाजत नवीकरण सम्बन्धी कार्य सम्पादन गरेको अख्तियारको अनुसन्धानमा देखिएको छ ।
उनले आफूले बीबी एयरवेज प्रालिका प्रमुख कार्यकारी अधिकृत हरिभक्त श्रेष्ठसँग १६ लाख ५० हजार रुपैयाँ सापटी लिएको बयान दिएका थिए । तर, उक्त रकम नेपालले सापटी नभई घुसवापत लिएको अख्तियारको दाबी छ । अख्तियारले उक्त १६ लाख ५० हजार रुपैयाँ जफत गरी पाउन माग दाबी लिएको छ ।
© 2026 All right reserved to onlinenepal.com
Design & Developed By
