एजेन्सी । चीनको एउटा गगनचुम्बी भवनमा आगलागी भएको छ । चाङ्गसा सहरस्थित चाइना टेलिकमको क्षेत्रीय कार्यालय रहेको ४२ तले भवनमा भीषण आगलागी भएको हो ।

सामाजिक सञ्जालमा राखिएको भिडियो फुटेजमा भवनबाट आगोका लप्काहरू निस्किरहेको र कर्मचारीहरू हतारिँदै भवनबाट निस्किरहेको देखिन्छ ।

स्थानीय प्रशासनले आगो नियन्त्रणमा लिइसकेको बताएको छ । मानवीय क्षतिबारे भने अहिलेसम्म कुनै खबर प्राप्त भएको छैन ।

सामाजिक सञ्जालमा राखिएका तस्बिरहरूमा अग्नि नियन्त्रकहरूले ७१५ फिट अग्लो भवनमा आगो निभाउन पानीको फोहरा फालिरहेका देखिन्छन् । आगलागीको कारण अझै खुलेको छैन ।