काठमाडौं । विवेकशील साझाका पूर्वसंयोजक मिलन पाण्डेले विवेकशील अभियानलाई पुनर्गठन गर्न भेला बोलाएका छन्।

अबको यात्राका रणनीति, निर्वाचन रणनीति तय गर्न अगुवा भेला असोज ३ गते हुने पाण्डेले बताए।

भेलाका निष्कर्षबाट भावी बाटो तय गरिने उनले बताए। लामो उतारचढावपछि अब विवेकशील अभियानलाई पुनर्गठन गर्दै अघि बढ्ने उनले जानकारी दिए।

यो समूह विवेकशील अभियानको संस्थापन समूह हो । २०७४ को स्थानीय तह निर्वाचनमा विवेकशील नेपाली दलका रूपमा रहेको यो समूहले त्यसपछि रवीन्द्र मिश्रको साझा पार्टीसँग एकता गरेर विवेकशील साझा पार्टी बनेको थियो ।

रवीन्द्र मिश्र अध्यक्ष भएका बेला विवेकशील साझाले पाण्डेलाई साधारण सदस्य पनि नरहने गरी कारबाही गरेको थियो।