बाजुरा । प्रतिनिधि सभा उम्मेदवारका लागि बाजुराबाट नेपाल सरकारका महान्यायाधिवक्ता खम्मबहादुर खातिसहित सात जना सिफारिस भएका छन् ।

नेपाली काँग्रेसका सहमहामन्त्री बद्री पाण्डे पनि बाजुराबाट सिफारिस भएका छन् ।

सिफारिस हुनेमा सहमहामन्त्री पाण्डे, नेपाल सरकारका महान्यायाधिवक्ता खाति, पूर्व जिल्ला सभापतिद्वय मानबहादुर रावल, कविराज पण्डित, पूर्व सांसद् जनकराज गिरी, शेर बहादुर खाति र अर्थविद् डा. अंगराज तिमिल्सेना रहेका छन् । एकजनामा सहमति नजुटेपछि ७ जनालाई नै जिल्ला कमिटिले सिफारिस गरेको हो ।

दुईदिनसम्म बसेको बैठकमा सहमति नभएपछि अन्तमा जिल्ला कमिटिले सबैजनाको नाम सिफारिस गरेको हो ।