रुकुम पश्चिम । पहिरोमा पुरिएर आइतवार रुकुम पश्चिममा आमा छोरीको मृत्यु भएको छ । पहिरोमा पुरिएकी एक बालिकाको भने उद्धार गरिएको छ ।

आठबीसकोट नगरपालिका १४ पिपलचौरमा रहेको सामुदायिक वनको भवन पहिरोले पुर्दा जाजरकोटको भेरी नगरपालिका १ मैदैकी ३० वर्षीया बालमती राना र उनकी दुई वर्षीया छोरी प्रतिक्षाको मृत्यु भएको हो ।

प्रहरीका अनुसार पहिरोमा सँगै परेकी प्रतिक्षाकी दिदी १२ वर्षीया तिर्सनाको भने उद्धार गरिएको छ ।

जाजरकोटको नलगाड नगरपालिका १ माइतीघरबाट घर फर्कने क्रममा पानी पर्दा उनीहरू पिपलचौरमा रहेको छेपारे सामुदायिक वनको भवनमा ओत लाग्ने क्रममा पहिरोले भवन पुरिएको बताइएको छ ।