काठमाडौं । त्रिभुवन अन्तर्राष्ट्रिय विमानस्थलमा ७७० ग्राम सुनसहित एकजना महिला पक्राउ परेकी छन् ।

फ्लाई दुबईको उडानबाट काठमाडौं आएकी भक्तपुर-८ सुकुलढोका बस्ने ५६ वर्षीया कविता श्रेष्ठ सुनसहित पक्राउ परेकी हुन् ।

प्रहरीका अनुसार श्रेष्ठले डाइपरमा सुनजस्तो देखिने अर्धठोस बस्तु लुकाइ छिपाइ ल्याएकी थिइन् ।

श्रेष्ठलाई आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय गौचरमा बुझाइएको प्रहरीले जनाएको छ ।