रुकुम पूर्व । रुकुम पूर्वको पुथा उत्तरगंगा गाउँपालिकामा भएको जीप दुर्घटनामा परेर एक जना प्रहरी जवानको मृत्यु भएको छ ।

लु १ झ ६६० नम्बरको जीप सडकबाट खस्दा रोल्पा घर भएका प्रहरी जवान लक्ष्मण पुनको घटनास्थलमै मुत्यु भएको हो । २ जना प्रहरी उपरीक्षकसहित ५ जना घाइते भएका छन् ।

दुर्घटनामा परेर घाइते भएका रुकुमपूर्वका प्रहरी प्रमुख नायब उपरीक्षक डीएसपी प्रकाश डाँगी, सशस्त्र प्रहरी बल रुकुमपूर्व प्रमुख नायब उपरीक्षक डीएसपी उपरीक्षक रविन श्रेष्ठ, प्रहरी जवान लक्ष्मण घर्ती, प्रहरी हवल्दार कुमार डाँगी र प्रहरी जवान सन्तोष बुढालाई हेलिकप्टर मार्फत थप उपचारको लागि बाँकेको कोहलपुर लगिएको छ ।

नेपाली सेनाको हेलिकप्टरले पहिलो पटक तीन जना र दोस्रो पटक मृतक सहित २ जनालाई उपचारको लागि कोहलपुर लगेको हो ।

जिल्ला सदरमुकाम रुकुमकोटबाट पुथा उत्तरगंगा गाउँपालिकाको केन्द्र तकसेरा जाने क्रममा जीप दुर्घटना भएको थियो ।