काठमाडौं । डिभिजन वन कार्यालय, मुगुका तत्कालीन वन अधिकृत भरत बहादुर बुढथापा सहित ६ जनाविरुद्ध भ्रष्टाचार मुद्दा दर्ता भएको छ ।

अख्तियार दुरुपयोग अनुसन्धान आयोगले तत्कालीन वन अधिकृत बुढथापा, सव(इन्जिनियर गोर सिहं बडुवाल, अष्स्टिेन्ड सव इन्जिनियर हिमाल कुमार मल्ल, र निर्माण उपभोक्ता समितिका अध्यक्ष मान बहादुर शाही, सचिव धमेन्द्र शाही, कोषाध्यक्ष कुसुम देबी शाही विरुद्ध भ्रष्टाचार मुद्दा दर्ता गरेको हो ।

उनीहरु उपर कर्णाली प्रदेश सरकारमार्फत विनियोजित रकमबाट संचालित टुजेमीदेखि बाबुकाँधसम्म पर्यटन सडक निर्माणमा सम्झौता अनुसार काम नगरी मिलेमतोमा भुक्तानी गरी रकम हिनामिना गरेको आरोप छ ।

उनीहरुलाई ६ लाख ३२ हजार वीगो माग दावी गरि आज विशेष अदालत, काठमाडौंमा आरोप(पत्र दायर गरिएको अख्तियार आयोगले जनाएको छ ।