एजेन्सी । युक्रेनको पूर्वी डोन्बास क्षेत्रमा दुई अमेरिकीको मृत्यु भएको छ ।

अमेरिकी राज्य विभागका अनुसार युक्रेनविरूद्ध रूसले सुरू गरेको युद्धमा महिनौँपछि आक्रमणलाई थप केन्द्रीत गरेपछि त्यहाँ झडप भएको हो ।

युक्रेनले पहिलेको सैन्य प्रशिक्षणको फरक–फरक किसिमका स्वयम्सेवकहरूका लागि अन्तर्राष्ट्रिय सैन्य दलमा भर्ती गरेको छ।

यद्यपि, अमेरिकी विदेश मन्त्रालयले मृतक अमेरिकीहरू लडाईंका लागि युक्रेन पठाइएका थिए वा थिएनन् भन्नेबारे केही उल्लेख गरेको छैन ।

अमेरिकी विदेश मन्त्रालयका एक प्रवक्ताले भने, ‘हामी युक्रेनको डोन्बास क्षेत्रमा हालै दुई अमेरिकी नागरिकको मृत्युको पुष्टि गर्न सक्छौं। हामी परिवारसित सम्पर्क राख्दैछौं र सम्भाव्य कन्सुलर सहयोग प्रदान गर्दैछौं।’