काठमाडौं । नेकपा एमाले स्थायी कमिटी सदस्य घनश्याम भुसाललाई कारवाही गर्ने सिफारिस अनुमोदन गरेको छ ।

मंगलबार केन्द्रीय पार्टी कार्यालय च्यासलमा बसेको अनुशासन आयोगको पूर्ण बैठकले भुसाललाई कारवाही गर्न पार्टी कमिटीलाई पठाएको सिफारिस अनुमोदन गरेको हो ।

यसअघि आयोगले अध्यक्ष केपी शर्मा ओलीको आलोचना गर्दै अन्तर्वार्ता दिएको विषयमा भूसाललाई कारबाहीको सिफारिस गरेको थियो ।

भुसालले स्थानीय तहको चुनावमा एमालेको कमजोर प्रदर्शनमा ओलीलाई दोषी देखाएका थिए । उनले एक टेलिभिजन अन्तरवार्तामार्फत ओलीले राजीनामा दिनुपर्ने समेत जिकिर गरेका थिए ।