काठमाडौं । ओखलढुंगामा प्रहरीले बालिका बलात्कार गरेको आरोपमा प्रधानाध्यापकसहित चार जनालाई पक्राउ गरेको छ ।

जिल्लाको सिद्धिचरण नगरपालिका ३ स्थित कक्षा ८ मा अध्ययनरत बालिकामाथि बलात्कार गरेको आरोपमा नारायणस्थान माध्यमिक विद्यालयका प्रधानाध्यापक ४० वर्षीय पूर्णप्रसाद फुँयाल, स्थानीय ७६ वर्षीय फडिन्द्रप्रसाद दाहाल, ३२ वर्षीय डम्बर भुजेल र ३१ वर्षीय केवल भुजेल पक्राउ परेका हुन् ।

उनीले बालिकामाथि फरक समय र स्थानमा पटक-पटक बलात्कार गरेको आरोप लागेको प्रहरीले जनाएको छ ।

जिल्ला प्रहरी कार्यालय ओखलढुंगाका अनुसार उनीहरुविरुद्ध सोमबार जाहेरी परेपछि पक्राउ गरिएको हो । घटनाबारे थप अनुसन्धान भइरहेको बताइएको छ ।