काठमाडौं । रौतहटको गढीमाई नगरपालिकाको मेयरमा नेपाली कांग्रेस उम्मेदवार श्यामप्रसाद यादव विजयी भएका छन् । उनीे ८ हजार ६३१ मत ल्याएर विजयी भएका हुन् ।

उनले निकटतम प्रतिद्वन्द्वी जनता समाजवादी पार्टी, नेपाल उम्मेदवार शेख अबुलकलाम आजादलाई ५५८ मतान्तरले पराजित गरे । पराजित शेख अबुलकलाम आजादले ८ हजार ०७३ मत ल्याए ।

यस्तै उपमेयरमा जनता समाजवादी पार्टी, नेपालकी उम्मेदवार स्मिताकुमारी यादव ६ हजार ६७१ मतसहित विजयी भएकी छन् ।

उनका निकटतम प्रतिद्वन्द्वी नेपाल कम्युनिस्ट पार्टी (एकीकृत समाजवादी) का उम्मेदवार नागेन्‍द्र सिंहले ५ हजार ९०२ मत ल्याए ।