काठमाडौं । संघीय संसद संसदीय सुनुवाइ समितिले सरकारले सिफारिस गरेका २० देशका राजदूतउपर उजुरी गर्ने व्यवस्था सहज बनाइदिन देशभरका जिल्लाा प्रशासन कार्यालयहरुलाई आग्रह गरेको छ ।

नियुक्तिका लागि सरकारबाट सिफारिस भई संसदीय सुनुवाइका लागि समितिमा पत्राचार भएपछि उजुरीका लागि ७७ वटै जिल्ला प्रशासन कार्यालयमा सूचना टास्ने व्यवस्था गरिदिन समितिले आग्रह गरेको छ ।

उजुरीका लागि वैशाख १२ गतेसम्मको समय दिइएको छ । प्रस्तावित राजदूत उक्त पदमा किन नियुक्त हुन योग्य छैन भन्ने आधार र कारणसहित सरोकारवालाले उजुरी दिन सक्नेछन् ।

सरकारले गत चैत २९ गते २० देशका लागि राजदूत नियुक्तिका लागि समितिमा सिफारिस गरेको थियो ।