काठमाडौं । आगामी स्थानीय तह निर्वाचनका लागि नेपाली कांग्रेसले गठन गरेको स्थानीय तह निर्वाचन प्रचार –प्रसार समिति अन्तरगतका उपसमितिहरुद्वारा प्रदेश समन्वय तथा प्रचार–प्रसार उपसमिति गठन गरेको छ ।

पत्रकारहरुलाई समावेश गर्दै कांग्रेसले उपसमिति गठन गरेको हो ।

नेपाली कांग्रेसका प्रवक्ता प्रकाश शरण महत संयोजक रहेको स्थानीय तह निर्वाचन केन्द्रीय प्रचार –प्रसार समिति अन्तरगत पत्रकार विष्णु निष्ठुरी, किरण पोखरेल, अनिता बिन्दु र गोपाल झाको संयोजकत्वमा गठित उपसमितिहरु क्रमशः अनलाइन मिडिया समन्वय तथा प्रचार–प्रसार उपसमिति, छापा माध्यम समन्वय तथा प्रचार–प्रसार उपसमिति, टेलिभिजन समन्वय तथा प्रचार–प्रसार उपसमिति र रेडियो एफएम समन्वय तथा प्रचार–प्रसार उपसमिति मातहत रहने गरी पदाधिकारी रहेको प्रदेश समन्वय तथा प्रचार–प्रसार समिति गठन गरेको छ ।