Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । नेपाल टेलिकमको प्रबन्ध निर्देशकमा राष्ट्रिय सूचना प्रविधि केन्द्रका कार्यकारी निर्देशकसमेत रहेका बिबादास्पद व्यक्ति सुनिल पौडेल नियुक्त भएका छन् ।
मन्त्रिपरिषदको आज बसेको बैठकले नियुक्ति गरेका पौडेल सुरक्षण मुद्रण विकास समिति(सेक्युरिटी प्रेस)का कार्यकारी निर्देशक विकलप्रसाद पौडेलका दाजु हुन् ।
विकल पौडेललाई गोकुलप्रसाद बाँस्कोटा सूचना तथा संचार प्रविधि मन्त्री हुँदा सुरक्षा मुद्रण विकास समितिको कार्यकारी निर्देशक बनाएका थिए ।
सेक्युरिटी प्रेस खरिदमा गोकुल बाँस्कोटा र पौडेल ७० करोड भ्रष्टाचारमा मुछिएका थिए ।
तिनै पौडेलका दाजु सुनिललाई शेरबहादुर देउवा सरकारले पत्याएर टेलिकमको प्रबन्ध निर्देशक बनाएको छ ।
पौडेल अमेरिकी पीआरधारी रहेको पनि खुलेको छ । उनका सबै परिवार अमेरिकामै बस्छन् । टेलिकमबारे जानकार नभएका पौडेललाई प्रबन्ध निर्देशक बनाइएपछि टेलिकमका कर्मचारी आन्दोलनमा उत्रिने तयारीमा छन् ।
पौडेललाई टेलिकममा ल्याउन सजिलो पार्नेगरी प्रबन्ध निर्देशक नियुक्तिलाई चाहिने मापदण्ड नै फरिएको छ ।
प्रधानमन्त्री शेरवहदुर देउवाकी पत्नी आरजु राणाको दबाबमा सञ्चारमन्त्री ज्ञानेन्द्रबहादुर कार्कीले विनियम नै संशोधन गरी सुनिल पौडेललाई नियुक्त गराइएको स्रोतको भनाइ छ ।
टेलिकमको प्रबन्ध निर्देशकका लागि सञ्चार मन्त्रालयले पूर्व प्रबन्ध निर्देशक बुद्धि आचार्य, वर्तमान प्रमुख व्यवसायिक अधिकृत संगीता पहाडी अर्याल र पौडेलको नाम मन्त्रिपरिषदमा सिफारिस गरेको थियो।
© 2026 All right reserved to onlinenepal.com
Design & Developed By
