Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । धनुषा प्रहरीले अपहरण भएको २४ घण्टा नबित्दै एक बालिकालाई सकुशल उद्धार गरेको छ ।
बिहीबार साँझ करिब ७ बजे जनकपुरधामको पुल्चोकबाट अपहरणमा परेकी ४ वर्षीया बालिकालाई प्रहरीले शुक्रवार दिउँसो करिब ५ बजे धनुषाको बिदेह नगरपालिका वडा नम्बर ८ बफैबाट अपहरणमुक्त गराएको हो ।
अपहरणमा संलग्न एक महिलासहित ४ जनालाई पक्राउ समेत गरिएको प्रहरी उपरीक्षक बसन्त रजौरेले जानकारी दिए।
जिल्ला प्रहरी कार्यालय धनुषाका प्रहरी नायव उपरीक्षक दिपक राय नेतृत्वको टोलीले बालिकालाई अपहरण मुक्त गराइएको र अपहरणकारीलाई पक्राउ गर्न प्रहरीले ४ राउण्ड हवाई फायर गरेको प्रहरी उपरीक्षक रजौरेले बताए ।
जनकपुरधाम उपमहानगरपालिका वडा नम्बर १६ पुल्चोकका ध्रुव मण्डलको ४ वर्षीया छोरीलाई घरमा खेल्दै गर्दा अपहरण गरिएको थियो । अपहरणकारीले शुक्रबार बिहान फरक–फरक नम्बरबाट फोन गरी १५ लाख फिरौती माग गरेका थिए ।
© 2026 All right reserved to onlinenepal.com
Design & Developed By
