Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले काठमाडौंका शासकले मधेसका जनतालाई जहिले पनि दोस्रो दर्जाका नागरिकको रुपमा हेर्ने गरेको बताएका छन् ।
मंगलबार जनकपुरधाममा मधेस प्रदेशस्तरीय कार्यकर्ता प्रशिक्षण कार्यक्रमलाई सम्बोधन गर्दै अध्यक्ष प्रचण्डले मधेसले फेरि पनि अगुवा भूमिका खेलेको भन्दै उनले प्रशंसा गरे । जनयुद्ध र जनआन्दोलनबाट त्यस्ता विभेदको रेखा कोर्ने राजा–महाराजालाई परास्त गरिएको अध्यक्ष प्रचण्डले बताए ।
अध्यक्ष प्रचण्डले भने, 'तपाईहरुले प्रतिगमनका विरुद्ध जिल्ला सदरमुकाम र गाउँगाउँमा गरेका पहलकदमीमात्र होइन, मधेसबाट काठमाडौंका सडकमा गएर देशभरि सन्देश दिने भूमिका निर्वाह गरेकोमा तपाईहरु सबै धन्यवादका पात्र हुनुहुन्छ ।’
अध्यक्ष प्रचण्डले नेकपा माओवादी केन्द्र रुपान्तरण र क्रान्तिकारी विचार विकासको चरणमा प्रवेश गरेको बताए ।
यो प्रक्रियामा पनि मधेसले महत्वपूर्ण भूमिका निर्वाह गर्ने उनको विश्वास थियो । समाजवादी क्रान्तिको अगुवाई मधेसले नै गर्ने उनले प्रस्ट पारे ।
नेपालको राष्ट्रिय एकता, राष्ट्रिय स्वाधिनता, नेपालको भौगोलिक अखण्डताको रक्षामा पनि तराई मधेस पहरेदार भएर उभिएको प्रचण्डले बताए ।
© 2026 All right reserved to onlinenepal.com
Design & Developed By
