काठमाडौं । नेकपा माओवादी केन्द्रले गरेको अमेरिकी सहयोग परियोजना एमसीसीबारेको निर्णयमा पार्टीका तीन जना नेताहरुले ‘नोट अफ डिसेन्ट’ दर्ता गराएका छन् ।

‘नोट अफ डिसेन्ट’ दर्तागराउनेहरुमा नेताहरु देव गुरुङ, लीलामणि पोखरेल र कृष्णबहादुर महरा रहेका छन् ।

उनीहरुले पार्टीको निर्णयमाथि नोट अफ डिसेन्ट जनाएका हुन् । नोट अफ डिसेन्टबारे पार्टी अध्यक्ष पुष्पकमल दाहाल प्रचण्डले आजको केन्द्रीय समिति बैठकलाई जानकारी गराएका छन् ।

गत शुक्रबारदेखि सुरु भएको बैठक आज केन्द्रीय समितिलाई पूर्णता दिएर सकाउने माओवादीको तयारी रहेको छ ।

बैठक अहिले जारी रहेको छ। बैठकमा अपूर्ण केन्द्रीय समितिलाई पूर्णता दिएर सक्ने तयारी गरिएको छ।