काठमाडाैँ । गृह मन्त्रालयले त्रिभुवन अन्तर्राष्ट्रिय विमानस्थलबाट कतारको दोहा उड्न लागेको नेपाल एयरलाइन्सको विमानमा बिना पासपोर्ट र भिसा नै एक व्यक्ति पुगेको घटनाका सम्बन्धमा छानबिन गर्न समिति गठन गरेको छ ।

विमानस्थल सुरक्षाको दृष्टिले अति नै संवेदनशील विषय भएकाले यसतर्फ मन्त्रालयको ध्यानाकर्षण भएको भन्दै गृहले शुक्रबार अध्यागमन विभागका महानिर्देशक नारायणप्रसाद भट्टराईको संयोजकत्वमा नौ सदस्यीय छानबिन समिति गठन गरेको हो ।

समितिलाई काम थालेको मितिदेखि सात दिनभित्र प्रतिवेदन पेस गर्न निर्देशन दिएको मन्त्रालयले जारी गरेको विज्ञप्तिमा उल्लेख छ ।

यही ९ फागुन सोमबार राति १०ः४५ बजे त्रिभुवन अन्तराष्ट्रिय विमानस्थलबाट कतारको दोहा उड्न लागेको नेपाल एयरलाइन्स विमानको ढोकामा रौतहटका १८ वर्षीय मोहम्मद शेख आलम भेटिएका थिए।

यस्तो छ मन्त्रालयको विज्ञप्ति:

अर्को पनि पढ्नैपर्ने

विमानस्थलको सुरक्षामा गम्भीर प्रश्न, एक युवक पासपोर्ट र टिकटबिनै कसरी पुगे जहाजको ढोकामा ?

अर्को पनि पढ्नैपर्ने

पासपोर्ट र टिकटबिनै जहाजमा शंकास्पद व्यक्ति पुगेपछि विमानस्थल सुरक्षा कमाण्डर निलम्बित