काठमाडौँ । प्रतिनिधिसभा सदस्य प्रेम सुवालले अमेरिकी मिलिनियम सहयोग परियोजना (एमसीसी) सम्झौताको समर्थन गर्नेहरु राष्ट्रघाती भएको बताएका छन्।

आइतबार संसद बैठकमा बोल्दै सांसद सुवालले एमसीसी सम्झौता राष्ट्रघाती रहेको र यस सम्झौताको पक्षमा उभिने जो कोही पनि देशद्रोही हुने बताए।

‘एमसीसी सम्झौता राष्ट्रघाती छ, यस सम्झौताको समर्थन गर्ने जो कोही पनि देशद्रोही हुन्, राष्ट्रघाती हुन्,’ सुवालले भने,’ देशप्रेमी कसैले पनि यसमा समर्थन गर्न सक्दैन।’