काठमाडौं । नेकपा एकीकृत समाजवादीले राष्ट्रियसभा निर्वाचनका लागि पाँच उम्मेदवारहरुको टुंगो लगाएको छ ।

पार्टी केन्द्रीय कार्यालयका अनुसार सोमबार दिउँसो बसेको सचिवालय समितिको बैठकले पाँच उम्मेदवारहरुको नाम टुंगो लगाएको हो ।

जसअनुसार प्रदेश १मा  जयन्ती राई, बागमतीमा गोमा तिमल्सिना, लुम्बिनीमा राजेन्द्रलक्ष्मी गैरे, कर्णालीमा उदय बोहोरा र सदूरपश्चिम प्रदेशबाट मदनकुमारी (गरिमा) शाह उम्मेदवार बनेका छन् ।

यसअघि आजै बिहान प्रधानमन्त्रीको सरकारी निवास बालुवाटारमा (सत्तारुढ गठबन्धन) भएको सहमतिअनुसार नेकपा एसको भागमा पांच सिट परेको थियो ।

राष्ट्रियसभा निर्वाचनका लागि भोलि मंगलबार उम्मेदवारी दर्ता गर्ने कार्यतालिका रहेको छ ।