काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एमसीसी आवश्यक संशोधन र परिमार्जन गरेर मात्रै स्वीकार गर्न सकिने बताएका छन् ।

शनिबार काठमाडौमा आयोजित जेष्ठ कम्युनिस्ट मञ्च र सल्लाहकार समितिको सपथ ग्रहण कार्यक्रमलाई सम्बोधन गर्दै अध्यक्ष प्रचण्डले नेपालको राष्ट्रिय हित र नेपाली जनताको भावनालाई समेत केन्द्रविन्दुमा राखेर मात्रै उक्त सम्झोता अघि बढ्ने बताए।

पूर्वप्रधानमन्त्री समेत रहेका प्रचण्डले आवश्यक परिमार्जन र संशोधन गरेर एमसीसी अगाडि बढाउने पक्षमा रहेको बताए । विना परिमार्जन, विना संशोधनचाहिँ सम्झौता पारित नहुने प्रचण्डको भनाइ छ ।

कार्यक्रममा अध्यक्ष प्रचण्डले अनुदानमा आएको रकम फिर्ता होस् भन्ने आफुहरुले नचाहेको पनि बताए । ‘नेपाललाई आउने भनेको पैसा जाओस् भन्ने हाम्रो चाहना होइन । नेपाललाई पूर्वाधार विकासका लागि पैसा चाहिएको छ, छलफलमै छौं।’

हेर्नुहोस् भिडियो: