काठमाडौं । नेपाल वायुसेवा कम्पनी (नेपाल एयरलाइन्स)ले नयाँ जहाज खरिद गर्न सरकारसँग १५ अर्ब रुपैयाँ माग गरेको छ ।

मंगलबार निगममा आयोजित एक कार्यक्रममा नेपाल एयरलाइन्सका कार्यकारी अध्यक्ष युवराज अधिकारीले सरकारसँग उक्त रकमको माग गरेका हुन् ।

‘हामी नयाँ जहाज किन्ने योजनामा छौं,’ कार्यक्रममा पर्यटनमन्त्री समक्ष अधिकारीले भने, ‘हामी कर्मचारीको तलबमा लगाउँदैनौं, यो रकम पुँजी वृद्धिका लागि प्राप्त होस्।’

निगमले नयाँ जहाज खरिदको कार्ययोजना बनाइरहेको अध्यक्ष अधिकारीको भनाइ छ।