काठमाडौं । सिंहदरबारमा नेपाल भ्रमणमा रहेका अमेरिकी सहायक विदेशमन्त्री डोनाल्ड लु र एमाले अध्यक्ष केपी शर्मा ओलीबीच भेटवार्ता भएको छ।

शुक्रबार सिंहदरवारस्थित एमाले संसदीय दलको कार्यालयमा पूर्वप्रधानमन्त्री समेत रहेका ओलीलाई भेट्न लु पुगेका थिए ।

यसअघि लुले प्रधानमन्त्री शेरबहादुर देउवासँग पनि शिष्टाचार भेटवार्ता गरेका थिए।

भेटवार्तामा नेपालमा दुई देशबीचको सम्बन्धका साथै अमेरिकी अनुदान सहयोग एमसीसी परियोजना लगायतका विषयमा कुराकानी भएको बताइएको थियो।